Сынып сағаты «№6‑САБАҚ 9- сыныптар: „Желідегі фейктер үшін жауапкершілік» — 9–⁠11‑сыныптар

• Оқушылардың желідегі жалған ақпараттарды (фейктерді) анықтау және олардың таралуына байланысты жауапкершілік туралы білімдерін қалыптастыру.
• Ақпаратты сыни тұрғыдан бағалау, дереккөздерді тексеру және өз көзқарасын дәлелдей білу дағдыларын дамыту.
• Тәуелсіздік пен патриотизм құндылықтары негізінде оқушылардың азаматтық ұстанымын қалыптастыру, ел тарихы мен мәдениетіне құрметпен қарауға тәрбиелеу.
• Желідегі жағымсыз ақпараттарға қарсы тұра білуге және жауапкершілікпен әрекет етуге бағыттау.

Сәлеметсіздер ме, балалар! Бүгінгі сынып сағатымыздың тақырыбы – «Желідегі фейктер үшін жауапкершілік». Балалар, «фейк» деген сөзді естігенде ойларыңа не келеді? (Оқушылардың жауаптарын тыңдау). Дұрыс, фейк – бұл жалған ақпарат. Біздің қоғамда, әсіресе әлеуметтік желілерде, күн сайын көптеген фейктер тарайды. Олардың қандай зардаптар әкелетінін білесіңдер ме?

Аптаның дәйексөзі: «Туған жердің топырағы да ыстық, елі де қасиетті». Бұл сөздер біздің елімізге, оның тарихы мен мәдениетіне деген құрметімізді білдіреді. Фейктер көбінесе осы құндылықтарға зиян келтіруі мүмкін. Сондықтан біз бүгін фейктерді қалай анықтауға болатынын және олардың таралуына жол бермеу үшін не істеу керектігін талқылаймыз.

Оқушылар сәлемдеседі, тақырыпты мұқият тыңдайды, өз ойларын айтады. «Фейк» сөзіне анықтама береді, өз тәжірибелерімен бөліседі.